"په افغانستان کی د خونړی جگړی دوام د پښتنو او بلوڅو تاریخی حقوق
هډو تر سیوری لاندی راوستی نه شی"
ببرک کارمل
د پښتنو او بلوڅو وروڼو د یووالی تلپاتی مینه
ښاغلی ببرک کارمل د خپلی مبارزی د پیل له بهیر سره سم هر کله چی د پښتنو او بلوڅو وروڼو د یووالی سره تلپاتی مینه درلوده.
د دی ټکی د ثبوت لپاره ټول هغه کسان چی د افغانستان داخلی سیاسی حالات یی له نظره تیر شوی هیڅ اړتیا نه لری، دا ځکه چی دوی پخپله د همدی تلپاتی مینی د څړیکو احساس یی په ټوله معنا کول.
کله چی د خلق او پرچم جریدی پر خپلو خپرونو پیل وکړل د همدی څیړونو اساسی سرخط د دیورند د بدنامی کرښی ړنگول د پښتنو او بلوڅو وروڼو د یووالی سپیڅلی ارمان څرگندول و.
د پښتونستان د ورځی لمانځل چی د وږی د پنځمی نیټی سره سمون خوری د گوند مشران به په ډیره مینه د حقیقت د څرگندولو لپاره په پراخو مظاهرو خپله تلپاتی مینه د پښتنو او بلوڅو وروڼو د سیاسی حقوقو د لاس ته راوړلو لپاره په څرگند ډول خپلو وطنوالو او نړیوالو ښودل..
کله چی په پاکستان کی مارشالا د چار صدمی تراژیدی مینځته راوستل او ډیر بیگناه کسان ووژل شول، په دی اړوند به د پښتونستان په واټ او یا په غازی ستډیوم کی د پښتنو او بلوڅو مشرانو خپلی بیانیی ورکولی، چی د گوند د مشرتابه لخوا یی تود هرکلی کیدی.
د پښتنو او بلوڅو مشرانو لکه خان عبدالغفار خان، خان عبدالصمد خان، اجمل خټک د افغانستان خلګ دموکراتیک گوند له مشرانو سره د دوی د تودی مینی له امله ډیری نږدی اړیکی درلودی. د خان عبدالغفار خان سره د خدای پامانی لپاره د افغانی دود له امله په خپله د ښاغلی ببرک کارمل او مشرتابه نور غړی تگ د کمکی خیبر تر دری پوری پخپله د پښتنو او بلوڅو د حقوقو د تر لاسه کولو لپاره د هغی پتمنی مینه څرگندول دی چی همدا اوس هم زیږه پښتانه د هغی له جاذبی نه ځان سوا نشی ګڼلای .
د حاکمیت په وخت کی د اقوامو قبایلو وزارت ډیره عمده او بنسټیزه پاملرنه د پښتنو او بلوڅو له حقوقو نه د ښاغلی ببرک کارمل د خاصی پاملرنی له امله ارزښتناک خدمتونه تر سره کړ.
د پښتنو ستر نومیالی مشر خان عبدالغفار خان د معالجی لپاره افغانستان د هغه نومیالی شخصیت خپل کور و او د همدی مینی له امله خان صاحب وصیت کړی و چی ما به په جلال آباد کی خاورو ته وسپاری.
د خان صاحب مینه له افغانانو سره د افغانانو تلپاتی مینی ته په پښتنواله ژبه منطقی ځواب و ، چی اوس د هر مبارز پښتون لپاره د خان صاحب زیارت د درناووی او ویاړ محل ګرځیدلی دی .
ښاغلی ببرک کارمل د خان عبدالصمد خان د شهادت د ځورونکی پیښی په اړوند د خلکو اراده څرګنده کړه او د پاکستان ظالمو حاکمانو د چلند د ټکولو لپاره یی ذهنیتونه وپارول.
هوکی! د ښاغلی ببرک کارمل مینه د یو نه هیریدونکی حقیقت په توګه او د یو بل مثال د اصل په معنی د پښتنو او بلوڅو د تاریخی حقوقو د تر لاسه کولو لپاره هغه درنه تومنه څرګندوی چی د ژوند په اوږدو کی به د دی نامتو مشر د لارویانو او د ټولو روښان فکرانو لپاره چی د حقیقت پر پل ګام ږدی د تلپاتی ویاړ او سرلوړی وسیله وی .
د حاکمیت په وخت کی کله چی ښاغلی ببرک کارمل د خپلی پخوانی او تلپاتی مینی له امله د قبایلو عالی جرګه په ډیره پراخه توګه پرانیستله او هلته یی په پښتو ژبه اوږده او د حقیقت او معنا ډکه بیانیه ورکړه یو ځل بیا یی د پښتنو او بلوڅو پاملرنه د ښاغلی ببرک کارمل د هغه د تعهد او سرښیندنی بعد ته وګرځاوه چی څومره تاریخی ارزښت یی ورځ په ورځ ډیریږی .
توجه!
کاپی و نقل مطالب از «اصالت» صرف با ذکر منبع و نام «اصالت» مجاز است
کلیه ی حقوق بر اساس قوانین کپی رایت محفوظ و متعلق به «اصالت» می باشد
Copyright©2006Esalat
