نثار احمــــد بهــین : منطق :

نثار احمـــد بهین

منطق :

هر منطق لری له ځان سره خبر

ښه وینا پر هر انسان کوی اثر

کوم ګفتار چی استدلال ځینی خالی وی

تش یو پوف دی چی په درد نخوری د سر

خلګ به ناست وی درته ګوری به په زغرده

خو افکار یی بله خوا وهی چکر

که ته غواړی جامعه کی عزت و مومی

ځان سمبال کړه د منطق په ښه جوهر

منطقی انسان هر چا ته وی منلی

بی منطقه کسان ځان له دی خطر

دا منم چی نن هیواد کی منطق زور دی

خو د زور منطق پخپله دی لوی شر

مرګ او ژوبله نور حلال د ستونزو ندی

دا منطق دی چی منلی دی بشر

ډیر، منطق تعبیروی په جلا ډول

ښه منطق له عقلانیت ندی بهر

راشه واوره د «بهین» پر خبر پوه شه

توپک پریږده د منطق جوړ کړه سنګر

ـــــــــــــــــــــــــــــــــــــ

بهین ـ ماینز، جرمنی ـ ۱۳ـ۱ـ ۲۰۱۵

توجه:

کاپی و نقل مطالب از «اصالت» صرف با ذکر منبع و نام «اصالت» مجاز است

کلیه ی حقوق بر اساس قوانین کپی رایت محفوظ و متعلق به «اصالت» می باشد