رند او زاهد

10 maart 2016 19:58:19

             اســـــــــد زمری

رند او زاهد

            زمونږ د کلي ملا دومره دی په سَتر کې ټینګ

                                        چې غوټۍ څیرې کړي پرده،دده زهره چوویږي

            هغه کدو سر د مطرب په فتوا والوزوئ

                                        چې په فتوا باندې يې ډهل او نغاره چوویږي

            لکه موږک چې په لکۍ پسې وي چچ تړلی

                                        دشیخ په ږیره هره لویه دروازه چوویږي

            په نافهمۍ کې که یې شونډو ته نږدې کړي زاهد

                                        له درد او سوزه د شرابو پیمانه چوویږي

            کوم غدار راووست محتسب د خرابات حرم ته

                                        چې د رندانو له غضبه، میخانه چوویږي

هوښیار سړی د بل په کار باندې غرض نه لري

ددې بې عقلو په کردو یې حوصله چوویږي

۲۰۱۶/۳/۹

ویسبادن

توجه!

کاپی و نقل مطالب از «اصالت» صرف با ذکر منبع و نام «اصالت» مجاز است

کلیه ی حقوق بر اساس قوانین کپی رایت محفوظ و متعلق به «اصالت» می باشد